Lipotia mai nei le lavea ai o se loli suāuu, ma aafia ai se tasi o fale – o se pisinisi i Lower Hutt.
Faamauina o lea pisinisi o se fale faatau taavale ua faaigoaina o le BYD car dealership i faaitu o Rutherford Street.
Māua le tigāina tele o le aveloli i lea faalavelave mata’utia, ma na maitauina i lipoti le poloka o le auala talu ai lenei lavea.
E tusa ma lipoti a le NZ Herald, na faaalia ai le valaau ane o le vaega o faalavelave faafuase’i, Emergency Services, poo le ‘afa tonu o le itula e 5 i le vaveao o le taeao nei, ma e ta’ua le galulue malosi o le tineimu e taumafai e aumai i fafo le aveloli, e faapea ua mamau, ua faigatā ona aveese mai le nofoaga na lavea ai le loli.
Ta’ua e se sooupu a le pisinisi faatau taavale, le mata’utia tele o lenei faalavelave, ma ua tuuina atu foi nai upu faamalosi’au i aiga o le aveloli ua aafia nei.
Puna o Faamatalaga: https://www.nzherald.co.nz/nz/truck-crashes-into-lower-hutt-building-rutherford-st-closed/7YK5MIJJWBHTHL4QK5D5XCSFSA/
