O le lavea o se kagalū poo le kangaroo i se taavale i le tusa ma le 25km i le itu i Sisifo o Darlington Ptt e lata i le faaitu o Griffin i Niu Sa Uelese, na valaau ane ai leoleo ma faia ai a latou su’esu’ega na faai’u i le maua ai o le silia i le 44 kilo o le laau faasāina.
Fai mai le 9News sa faatino su’esu’ega a leoleo i le taavale na lavea ai le meaola ae maua ai ma lau o le laau faasāina o le mariuana ma pu’eina ai ma molia se alii e 30 tausaga.
Sa tula’i i le faamasinoga i le Aso Toonai talu ai ma toe tula’i foi i le faamasinoga i le aso ananafi.
E lei ta’ua i le lipoti le tulaga na iai le kagalū ae ua maua atu ai ma le solitulafono a lē na alu atu i le taavale ma o loo faaauau pea le su’esu’ega.
Puna o Faamatalaga: https://www.9news.com.au/national/drugs-charges-after-man-hits-kangaroo-near-griffith-nsw/a099fc70-5d0d-4abe-8ed3-11ea13f0e9fe
