E ono oo atu i le 21 tausaga e falepuipui ai se alii mai Sini ona o le mataupu na maliu ai si ona tuafafine i le silia ma le lua tausaga talu ai.
O le asō ua lauina ai le iuga o Lucas Christian Delaney i le Faamasinoga Maualuga i Niu Sa Uelese ona o le mataupu lea fai mai sa ia faaaoga ai se samala ma faaoolima ai i lona tuafafine i lo latou fale i le 2020.
Fai mai sa matuai tele se aafiaga o lea osofaiga i si tamaitai ua maliu ma e matautia faamatalaga o le tulaga na tulai mai i lenei faalavelave.
Fai mai sa fealuai mo le fa aso ma nofonofo solo ae le ta’uina i se tasi le mea ua tupu.
Mulimuli ane na maua ai e lona uso o Aaron le tinomaliu o si o la tuafafine ma logoina ai loa leoleo ma pueina ai loa Lucas.
O le faaiuga a le faamasinoga ua faailoa i le asō e faatoa agavaa ai Lucas e talosaga mo le palola i le 2036.
