E 3 itula o faagasolo folasaga faaiu a loia mo le susuga Tiumalumatua Maifea Fetu, ma loia a le itu a leoleo sa folasia ai finauga i mau faaletulafono e tatau ai ona faamaonia le moliaga, ma mau e le tatau ai ona faamaonia.

O le umi o folasaga na lagalaga ai nisi o faaiuga ua maea e fesootai i le moliaga ua i luma o le faamasinoga ma ua maea tuuina atu iai mau a leoleo faapea mau a le ua molia.

O le moliaga o Tiumalumatua Maifea Fetu, o loo faaulu e leoleo i lalo o aiaiga o le tulafono o soligatulafono le criminal libel lea e mafai ai ona faaulu se tagi i leoleo ma suesueina ina ua faamautu ni mau, pe a faia e se tagata ni tala ua tuuaia pe faaleaga ai se tagata poo ni tagata.

O le mae’a folasia o ia finauga i luma o le faamasinoga ua faatulaga ai o le aso 9 o Setema o le a aumai ai se faaiuga.