E ono taunuu mai I Ausetalia le uluai malaga o loo aumai ai le itupa o tamaitai ma tamaiti mai Ukraine ile faaiuga o le vaiaso nei. Ua silia male afe tagata Ukraine ua tuuina iai e Ausetalia, visa e malaga mai ai e tusa ai ose faamatalaga mai le Australian Federation of Ukranian Organisation ma lipotia I le 7 News.
Fai mai le sui mai lea faalapotpotoga o Stefan Romaniw o loo fuafua ini nai aso o lumanai nei e ono taunuu mai ai le malaga muamua o tamaiti ma le itupa o tamaitai ma ua sauna foi le Federation I tulaga uma e ono manaomia eaofia ai le faia o siaki mo le faamautinoa o le soifua maloloina, mea e nonofo ai faapea sootaga ini fesoasoani mai le welfare.
O loo fuafua ole toatele oi latou ia o le a faataunuu mai I Sini ma Melepone ae faapea foi nisi I Adelaide ma Brisbane.Faafetaia e Stefan le sao o sui o le Federation lea I Ausetalia nei aemaise foi le malo o Ausetalia ile tuuina o visa e ui o le tele o isi visa ua tuuina o visa tulisi ma o le a le mafai ona maua ni fesoasoani e pei o le medicare, ae na ia taua ua maea foi ona talosagaina ile minsiita o femalagaaiga ina ia silasila ini avanoa e toe faatulaga ai ia visa pe a taunuu mai ia tagata I Ausetalia.
E le o taua se faamatalaga a le matagaluega o loo feagai ma le mataupu lea I lea lipoti.
