O se fuafuaga a le malo e fausia ni fale mautotogi taugofie ua latalata ona faataunuuina ina ua faamaonia nisi fetuuna’iga fou i lafoga.

Fai mai le Palemia, Anthony Albanese ua o latou faataatia nei se isi ālafua e fesoasoani ai i le mataupu lenei i le aga’i i luma.

O nisi o lu’itau e masani ona feagai ma auaunaga e faatinoina ia galuega e aofia ai le siitia poo le taugatā o le tau o oloa faufale aemaise foi o le faaitiitia o tagata faigaluega.

Na saunoa le Palemia o le latou fuafuaga ua faailoa e lē faigofie ma o loo teena pea e le Itu Agai vaega uma o le latou fuafuaga.

Fai mai se i’uga o se tasi o su’esu’ega sa faatinoina o tagata Ausetalia ua oo atu i le silia ma le 1500 tupe faaopoopo ua faaalu i fale mautotogi nai lo le tausaga talu ai ma e lē taumate o loo iai foi ona aafiaga i tapenaga ma sauniuniga mo aso fiafia e pei o le Kerisimasi ma le Tausaga Fou.

E ui i lea fai mai finagalo o isi, se’i faatalitali atu ia i lea fuafuaga fou ua faailoa mai pe iai sona fesoasoani pe atili faateteleina ai lu’itau o loo feagai pea i le taimi nei ma tagata mautotogi.

Puna o Faamatalaga: https://www.9news.com.au/videos/national/plan-to-build-cheaper-rental-homes-one-step-closer/cm50p8iwm00000hqoplc36utt