Ua lipotia mai nei, e lata i le 7,000 tinā ma tamā matutua penisiona ua faaopoopo a latou tupe e totogi i lafoga.
Faamauina e lē o se vaega e tatau ona tupu, e māfua ona tetele ia lafoga ona o se faalētonu i le faatautaia ai o faiga masani i galuega a le IRD.
Ta’ua i lipoti, ua totogi sesē e nai tagata penisiona lafoga e tatau ona faatino mo ē o loo totogi ACC.
E faapea o le faaleonu e māfua mai le tele o lafoga toe totogi atu, ua sesē numera ma faamaumauga ua tuu i totonu i le faatino ai o lafoga e tatau mo tagata penisiona.
Faamauina o le tasi o tagata penisiona sa ia totogiina le $301.68, ae o le tala moni, e le’i totogia lava e lea tagata sana lafoga e tusa ai ma lana penisiona poo le superannuation e pei ona iai i Niu Sila nei.
Ua ta’ua e le Inland Revenue, o lea na mafai ona māua uma tagata na aafia, ae ua upuia e i latou tagata e popoto i matāupu tau lafoga, ma tausitusi le matāgaluega ona ua tele faaletonu ua alia’e mai, ma ua o latou fautuaina malosi le tatau ona iai ni ta’iala maumaututū i le siakina lelei o faamaumauga ina ia alofia le tupu soo o ia faaletonu.
Puna o Faamatalaga: https://www.rnz.co.nz/news/business/581487/7000-pensioners-overcharged-in-another-inland-revenue-error
