A itiiti mai pe ā ma le 40 afe tagata o loo motusia mai ai le eletise mai o latou fale i Vitoria ona o le malolosi o matagi na aafia ai le setete.

E ui ua mātele ina pasi matagi tetele ma uiga loulouā o le tau peitai o loo galulue lava le vaega o auaunaga fesoasoani e faamamā ma fesoasoani i le afe o valaau o loo manaomia pea le fesoasoani i le taimi nei.

Ta’ua e le SES e oo atu lava i le silia ma le 4 afe valaau na oo ane itu mo se fesoasoani i totonu o le 24 itula ma e mātele lava i laau to’ulu ma mea ua faaleagaina mai fale.

O loo galulue le aufaigaluega i le eletise e toe faaola mōlī a nisi aiga, o le to’atele na motusia le eletise mai le aso ananafi ma o loo faatalitali pea pe toe ola i le asō.

Ua faaleagaina foi auala ma auaunaga o feoa’iga lautele ua mātele ina taofia i le asō ona o le faaletonu i auala.

Puna o Faamatalaga: https://www.9news.com.au/national/melbourne-weather-update-crews-work-to-restore-power-to-40000-victorians-after-wild-weather/3a3a5235-275a-41be-85c9-a39d98515a79