Ua ave le lapataiga mulimuli a le Fofoga Fetalai i le taitai o le Itu agai, le tofa Lauofo Fonotoe Nuafesili Pierre Lauofo Meredith ia aua ne’i toe soli fono.

O taualumaga tau faaiuiu o le fonotaga a le fono aoao faitulafono i le Aso Lulu o lenei vaiaso na ave ai le lapataiga mulimuli  a le Fofoga Fetalai, ina ua molimauina pea le lē usitai o le taitai o le Itu agai i lona faatali muamua i se faatagana a le nofoa, ona faatoa saunoa ai i se faauilavea.

O felafolafoaiga ina ua tali le minisita o fesootaiga ma faamatalaga faatekonolosi i le tulaga o le pou o fesootaiga o loo fesiligia ai le saogalemu o le malaevaalele i Fagalii na mafua ai ona tuuina atu le lapataiga mulimuli poo le final warning i le taitai o le Itu agai.

O le a mataitu nei se isi taimi e soli fono ai le taitai o le Itu agai ma faia ai loa le faaiuga a le Fofoga Fetalai.