Ua iai le fautuaga ua tuuina mo i latou e faimalaga i totonu lava ia o Ausetalia mo le faailogaina o le Kirisimasi ma aiga ma uo aemaise lava i le agai atu i Kuiniselani.
Ua faailoa i lipoti o le tele o auala o loo faia ai galuega ma ua vaaia foi le toatele o aiga faatoa toe femalagai lea ma fevaaiai talu ona toe tatala sa o le Koviti-19 ma ua faia le faaiuga e drive pe malaga foi i taavale ona o le tumutumu o malaga a vaalele.
O le uluai Kirisimasi lenei i le mae’a o le tolu tausaga ua leai ai ni vavao ma sa o le faamai ma ua lapatai foi leoleo i le au avetaavale o lea ua amata faatulaga faasalaga o double demerits mo aso malolo faaiu o le tausaga.
Mo Niu Sa Uelese lava ia o le piliota o double demerits na amata i le Aso Faraile 23 Tesema seia aulia le Aso Gafua 3 o Ianuari.
