Ua iai se lapataiga faalauaitele ua faamatuu e le matagaluega o le soifua maloloina I Kuiniselani e uiga ile tagata ua faamaonia le aafia I le vairusi mai Iapani o le encephalitis virus faapuupuu o le JEV ma o lea tagata o loo I Kuiniselani.
Ile upega tafailagi a le matagaluega I le vaiaso nei ua faailoa ai lea faamatalaga ma sa malaga le tagata lea talu ai nei I nofoaga eaofia ai le itu I saute o Kuiniselani ma isi faaitu maotua ma sa togafitia ile maota gasegase I Brisbane.
O le JEV le vairusi lea e pepesi ile u ale namu pei ona faailoa ma e aafia ai foi ma meaola. Taua foi I le lipoti o nisi o tagata e aafia e leiloa ni auga pe feololo foi, auga e aofia ai le tiga o le ulu ma le fiva mae fautuaina foi le mataitu o le fanau iti I lalo ole tai 5 tausaga le matutua.
Ua fautuaina tagata I Kuiniselani ia faia tulaga e puipuia mai ai mai lea vairusi e pei o le faaaoga o insect repellant ma afai e vaaia ni auga e ogaoga atu ia vaai vave se fomai.
