O se vairusi ogaoga e masani ona alia’e i taimi o taumafanafana ua lipotia mai le ABC ua mamate ai nei nisi o manupapalagi i se nofoaga e talitonu le au failafumanu, e seāseā vaaia ai lea vairusi.
O le Bovine Ephemera Fever (BEF) ua vaaia le faatupulaia i gataifale i Saute o Niu Sa Uelese ona o le vevela o le tau i le taumafanafana.
E 8 manu papalagi ua mamate i Ulladulla ona o le BEF lea foi e faaigoa o le three day sickness.
Ua faamauina o le vairusi lea e feaveai e namu e mafua ai āuga e pei o le flu e aofia ai le fiva, faamaalili, vaivai o le tino ma maso, o nisi aafiaga ua vaaia ai le mamate o meaola.
Ua fautuaina le au failafumanu a faia tuipuipui o meaola.
