Ua tuuina mai se lapata’iga mai le matāgaluega o le soifua mālōlōina a Niu Sa Uelese e faatatau i le misela ina ua asia e se tagata o loo aafia i le misela nisi o nofoaga i le malaevaalele i Sini faapea le itu i Sisifo o le setete.

O lea tagata fai mai faato’ā foi mai le Atu Asia lea o loo pepesi malosi ai lea faama’i i atunuu e pei o Thailand, Vietnam ma Indonesia.

O le misela e mafai ona feavea’i siama i le ea aemaise pe afai e tale le tagata aafia.

Ua fautuaina tagata na malaga faatasi mai ma le tagata lea i le faigamalaga a le Jetstar JQ62 mai Ho Chi Minh City i le po o le Aso Lua,18 o Mati i Sini, ma i latou uma na iai i nisi o nofoaga ua lisi ane e le matāgaluega o le soifua mālōlōina, ina ia faia siaki pe lē o aafia i le faama’i.

O le faamanatu a le soifua mālōlōina o āuga o le misela o le fiva, tigā o mata, tafe o le isu tulou ma le tale, ae sosoo ai ma le aafia i se mūmū e sosolo i le tino ma foliga.

O loo iai foi le tuipuipui mo le misela.

Puna o Faamatalaga: https://www.google.com/amp/s/amp.9news.com.au/article/4bf58c71-901e-4005-b21f-7c5c2c4c98f1