Ua iai se lapataiga ua tuuina i tagata Ausetalia e faatatau i le faaaogāina o WIFI i nofoaga faitele.

Fai mai le 7News e telē se lamatiaga o iai aemaise lava i WIFI e faaaogā fua e pei ona iai i le malaevaalele, faletalimalo, fale’aiga ma isi nofoaga.

Ua afua lea lapataiga ona o se pasese sa i luga o se faigamalaga mai Perth, sa ia faaaogā le WIFI i luga o le vaalele e maua ai nisi o faamaumauga mai nisi pasese.

O lea alii o Michael Clapsis ua tuua’ia i lona faaaogā o le WIFI i luga o le faigamalaga lea i se tulaga lē sa’o ma maua ai faamaumauga o isi tagata ma ua molia ai i moliaga tau osofaiga i upega tafailagi ma o Aokuso e toe tulai ai i le faamasinoga.

Fai mai i latou e atamamai i auaunaga ia tau initaneti, ia taumafai pea e alofia le faaaogāina o free WIFI ma afai e faaaogā, ia faamautinoa o loo saogalemu ou faamaumauga.

Puna o Faamatalaga: https://www.google.com/amp/s/7news.com.au/news/warning-for-australians-using-free-wi-fi-in-public-places–c-15296566.amp