O loo lapataia foi timuga ma uiga loulouā o le tau mo Sini e tai pei lava foi o foliga na vaaia i le aoauli ananafi faasolo ane i le afiafi lea sa aafia ai nisi vaega o Niu Sa Uelese i lologa ma mea na faaleagaina i le leaga o le tau.
Ua faailoa mai e le vaaitau e faapea foi se tulaga e ono iai le asō. Faamanino mai e le vaega a le SES o loo feagai ma le auaunaga fesoasoani i taimi o faalavelave faapea o le po lava ia anapo e 334 valaau mo ni fesoasoani na oo ane ia i latou ma e faafetaia foi le fesoasoani a volunteers na fai ma faamāmā avega tele i le latou galuega.
O le asō ua lapataia ai le ono aafia foi o le itu i Matu o Sini i uiga loulouā ia o le tau atoa ai ma le faaitu lea o Brisbane.
