I le mataupu sa faia ai suesuega a leoleo i Niu Sa Uelese i le talavou lea sa ia lafo ane ni lafoga faailogalanu i le alii taalo o Lattrell Mitchell i le faaiuga o le vaiaso talu ai, ua faailoa mai e leoleo ua tuuina nei iai se lapataiga i lea talavou ina ua faamaonia lona faia o ia faamatalaga faailogalanu.
O le taaloga i le vaiao talu ai i le Aso Tofi na faia ia faamatalaga a o agai ese atu tama taaalo ma le malae i le taimi o le ‘afa o le taaloga.
Na faatino ai suesuega e leoleo ma le NRL ma iloa ai o le tamaititi 14 tausaga na ia faia lea tulaga ma ua mae’a nei ona tuuina iai se lapataiga i lalo o le Youth Offenders Act e pei ona ta’ua i le lipoti mai le Wide World of Sports.
Fai mai leoleo ua mae’a le latou suesuega a o tālia pea le iuga o le suesuega a le NRL. Sa saunoa foi le pule o le NRL Andrew Abdo i le mataupu lea i le faailogalanu ma faamatala ai taimi a o tuputupu ae i lona atunuu o Aferika i Saute.
O i na te malamalama lelei ai i lagona o tagata pe a faia iai ni faamatalaga ma tulaga faailogalanu e pei ona faia ia Mitchell ma o le a galulue foi le NRL i le mafai e gata ai e a’oa’oina ma fautuaina ituaiga tagata faapea e tusa o lea mataupu.
O loo faatulaga e taalo foi Mitchell mo lana ‘au le Rabbitohs i le taaloga i le po ananei e fetaui ai ma le Roosters lea foi sa taalo ai muamua.
