Ua masani le silasila ma le vaai a le atunuu i auala tetele o le Malo, pe a oo ina aafia ini faaletonu e pei o le omoomo ma tafia nisi o vaega o le ta, ao nisi foi faaletonu o le fonofono o ia tulaga ae le umi se taimi e feoai ai taavale ma soli, ae toe vaaia foi ua masofasofa.

E faitau miliona tupe o loo totogi ai konekarate fau auala mo ia galuega ma ua ave nei ke lapataiga a le Minisita o Galuega tetele i kamupani fau auala, ia faamaoni ile fausia o auala tetele e ala ile faaaoga o masini ma mea faigaluega e fetaui aua o le isi lea mafuaaga o le vave ona toe leaga auala tetele o loo faatupe e le Malo lona fausiaina.