Faaopoopo pea ona gau le toatele i scam o loo sau soo se auala, a le o le imeli, valaau telefoni poo texts foi.
I faamaumauga a faletupe ua faamauina ai e latalata i le $200 miliona i le tausaga e gau i faiga a le au taufaavalea.
E $60,000 tupe a se tasi o paaga a le faletupe ua gau ai ma e faapea o ni faiga taufaasese na auala mai online.
E molimau a le paaga lenei a se tasi o faletupe i tala a le 1News e le o finagalo e faailoa, o lea sa ia mauaina se imeli e faapea e sau mai le Inland Revenue ma e moomia le faamaonia atu o le numera o ana teugatupe e lafo mai ai le tax refund.
Na toe iloa mulimuli ane ua gaoia ana tupe i faiga a le au gaoi ma ia toe faatalosaga ai le faletupe e toe totogi atu lana tupe ua gau.
Mai le ofisa o sulufaiga mo faletupe, i suesuega ua iloa ai o lea lava na faamaoni le paaga ua aafia aemaise o itu e faamalieina ai le ofisa e tatau ona toe totogi e le faletupe le $60,000 ua gau.
E le o talosaga uma e talia e faletupe, ma ua toe sau ai le faamanatu e aua le talitonuina imeli, texts faapea valaau telefoni o loo sau ai ma le talosaga e faailoa atu numera o teugatupe.
