Ua lapataia e leoleo le au fai taavale ia fuafua lelei feoa’iga ma silasila i vaega o le a ono faalavelavegia ai faigamalaga ona o solo tetee ua fuafuaina mo le aso a taeao.
O le pati a Maoli ma isi e iai sootaga i le Toitū Te Tiriti (Honour the Treaty) movement ua valaau ia faia solo tetee ia e faaauau ai le National Maori Action Day mai le tausaga talu ai.
O i latou o loo tuufaatasia lea tetee mo tagata Maoli uma e tetee ai i faiga faavae a le faigamalo ua iai nei o loo aafia ai Maoli.
O le tala faatatau o le tupe poo le Budget lea e fofogaina i le Palemene i le aso a taeao.
Ua faailoa e leoleo o loo latou iloa nisi o faatasiga ua fuafua mo le Aotea Square i Aukilani aemaise i le Palemene i Ueligitone ma o loo galulue faatasi foi ma i latou o loo tuufaatasia ia fuafuaga ina ia sologa lelei mea uma aemaise lava i nofoaga faitele.
Faailoa e le ta’ita’i o le itu agai i le taeao analeila i le Breakfast e iai le aiātatau a tagata e tetee ai.
Puna o Faamatalaga: https://www.1news.co.nz/2024/05/29/police-warn-of-traffic-disruption-amid-toitu-te-tiriti-protests
