Ua valaau nei le faalapotopotoga o le soifua maloloina a le lalolagi le World Health Organisation (WHO) ina ia faia vave se gaioiga e puipui ai tamaiti mai nisi o vailaau mo togafitiga ua faaleagaina, ua aliae lenei valaau i le mae’a o le uma o le ola o nisi o le fanauiti e iai sona sootaga i se vaitale, cough syrup mai le tausaga talu ai.
I le 2022 e silia ma le 300 tamaiti e toatele lava ia i latou e i lalo o le tai 5 tausaga i Gambia, Indonesia ma Uzbekistan, na maliliu ona o aafiaga o fatugao ma e iai sootaga i vailaau mo togafitiga ua faaleagaina, contaminated medicines e pei ona faailoa e le WHO i sa latou pepa o faamatalaga.
E faapea mai le lipoti o nisi o nei vailaau mo togafitiga o vaitale faatau mai e aunoa ma ni talavai ua aafia i toxic chemicals ma ua fautuaina ai atunuu e pei ona ta’ua.
Ua tuuina mai ai ma le lapataiga mai le WHO ia mataala foi iai isi atunuu o le lalolagi. O kamupani o loo aofia a latou oloa i le lipoti lea ua o latou teena o loo iai ni faaletonu ma e le o fia faia se faamatalaga mo le taimi nei ona o loo faagasolo suesuega.
O vaitale e gaosia mai e le Maiden Pharmaceuticals i Initia ma le Marion Biotech lea e lipotia e iai sootaga i tamaiti na maliliu mai Gambia ma Uzbekistan.
