Ua lapatai mai le ofisa sili o le kamupani vaalele a le Qantas, Alan Joyce e ono siitia le tau o pasese I vaalele pe a faaauau pea ona siitia le tau o le suauu. Ole fonotaga ale Australian Financial Review lea sa saunoa ai Joyce ile tulaga lea.
O le po anapo sa faailoa ai e Amerika ma le UK le sa I luga o le suauu auina mai Lusia , ua faia ia faaletonu ai le tamaoaiga o lea atunuu ma ua tali mai iai Lusia o le a siitia le tau o le suauu e ono oo atu I le 300 tala amerika I le paelo pe afai o sa ia o le a iai.
Manatu nisi o le a tele foi la se suiga I faaiuga fai a tagata I tulaga o malaga pe afai o le tulaga lea o le a iai le taugata foi o pasese latou ia I vaalele, ose tulaga faanoanoa aemaise o lea foi faatoa matala mai faitotoa o femalagaaiga ao lea o le a toe vave tapunia atu ona o le le gafatia o pasese pe afai ae sii maualuga le tau o faigamalaga ona o le taugata o le suauu.
