Ua tuuina mai nei se lapataiga a fomai mo tagata a o faifaitetele ai le siitia o le aofai o tagata e aafia i le flu i lenei tausaga.

I le taimi lenei ua faailoa mai ua oo atu i le 8,453 tagata ua faamaonia le aafia i le flu ma o se aofaiga tele pe a faatusa atu i le piliota lava lenei i le tausaga talu ai.

Mai gasegase uma na vaaia fomai i le tausaga nei lava ia e 2,700 o i latou ia ua aafia o tamaiti e i lalo o le tai 14 tausaga le matutua.

Ui i lea e pei ona faailoa i lipoti o le aofai lava ia o tagata ua aafia o loo itiiiti ifo nai lo le 2020 a o lei tetele aafiaga o le Koviti-19.

Fai mai le fomai o Dr Bruce Willett mai le Ryal Australian College of General Practitioners e iai mafuaaga o le siitia maualuga o le aofai o tagata aafia.

O mafuaaga e pei o le siitia o tagata e faimalaga mai atunuu i fafo, suiga i suesuega tau le soifua maloloina ma le tulaga i le lipotia ma le silafia o faamatalaga tau le puipuiga i komiuniti.

O le masina fou ua fuafua e tatau ona maua ai tuipuipui.

O le tausaga talu ai na faamatuu ai e le malo tuipuipui o le flu e faia fua e aunoa ma se totogi ae le o iloa la pe toe faia foi lea tulaga i le tausaga nei.