Ua folasia i luma o Mālō Aufaatasi i lana fono faapitoa na tauaofia i le vaiaso nei le lagolago a Samoa i le tutoatasi o le Mālō o Ukraine ae matuā tetee atu i le taua ua faatupu e le Mālō o Lusia e pei ona osofai ai lenei atunuu e vaega au a lea Mālō.
O le tetee a Samoa i le taua ma lana lagolago i le Mālō o Ukraine na faaleo e le Amepasa o le Mālō i totonu o le Mālō Aufaatasi le afioga Fatumanava-o-upolu III Pa’olelei Luteru.
Na faailoa e le Amepasa o Samoa i Mālō Aufaatasi i lana folasaga o loo matuā manino upu tomua o le faavae o Mālō Aufaatasi ia faasaoina auga tupulaga uma mai taua ma fevaevaeaiga ma o Samoa o se tasi o atunuu na te faataua le tausia o le filemu ma le nonofo fealofani faapea le fetausia’i o atunuu aua o le sini lea o Pulega faatemokarasi.
Fatumanava III Dr. Pa’ōlelei Luteru
I se vaega o le folasaga a le Alii Amepasa i le gagana faaperetania e faapea;
“Samoa is greatly concerned by the invasion of Ukraine by the Russian Federation such action is in clear violation of the territorial integrity and sovereignty of Ukraine and in consistent with the stated principle laid down in article 2 of the UN charta. We condemn Russians unprovoked attack on Ukraine. Samoa strongly advocate for peace and urge all actors involved to focus their effort on ensuring and immediate cessation of hostilities, protection of civilians and civilian infrastructure, refrain from actions that may further escalate the dangerous and delegate situation in Ukraine, cease all military operations and prioritize diplomacy to defuse tension”.
Na faamanatu foi e le Alii Amepasa i le Peresetene o le Mālō Aufaatasi o Samoa ua na’o se atunuu ititi i luga o faafanua o le lalolagi peitai o le galuega a Samoa o le faaleo lea o lo latou manatu ma faailoa le tatau ona tausi o le filemu ma lagolago i principles poo faavae a le UN charta.
O le vaiaso nei na folasia ai se finagalo o le Failautusi o Mālō o le Pasefika ia Henry Puna ma ia valaau ai i taitai uma o le Pasefika ina ia tutū faatasi e lagolago le tutoatasi o Pulega a le Mālō o Ukraine ae tetee malosi atu i le siitaua a le Mālō o Lusia i lea atunuu ona o le fia faoa o ana Pulega Mālō.
