O aiaiga o le Tulafono o faiga palota o loo iai nei, i le agavaa na o matai o nuu māvae e tauva i tofi faipule o le Palemene ae le agavaa matai o loo alala i se itumalo ae o se tagata palota i le lola a lea itumalo ae mafua ona le agavaa ona o loo umia le suafa matai mai se isi nuu ma se afioaga o se isi itumalo faapalota.

Na fesiligia ai le sui tauva le afioga Lautimuina Uelese Vaai, ina ua maua se feiloaiga ma tusitala ina ua momoli i le vaega faaupufai o le Faatuatua i le Atua Samoa ua Tasi.

O le finagalo o lea sui tauva, o se mataupu e iai lona lagona e lagolago e lona itumalo o Vaimauga 3 le aia tutusa o matai i le sailiga o le tofi faipule tusa pe umia se suafa matai mai se isi nuu, ae o se tagata palota i se itumalo palota ua nofomau ai.

Le afioga Lautimuia Uelese Vaai.