Talia lelei e le malo o Tonga le faia o gaioiga e faafaigofie ai ma taugofie le faimalaga o tagata i Niu Sila ae faailoa e le latou faigāmalo latou te lē o una’ia le visa free access, poo le finau ina ia aua ne’i mana’omia ni visa e faimalaga ai ona fai mai a latou o loo tuu atu lava le matāupu lea i lima o Ueligitone.
I se saunoaga na faia e le Palemia o Tonga, Lord Fakafanua i Nukualofa ina ua taunuu atu le faigāmalaga a Christopher Luxon, na ia ta’ua ai ia tulaga ma e le’i fia una’ia tele foi le matāupu lea tau femalagaa’iga, fai mai a ia o le tele o aiga Pasefika e malaga i Aotearoa e lē malaga na o ni tafaoga, e malaga ona o isi faamoemoe e pei o maliu, lotu, faamoemoe o aiga ma fesoota’iga lava foi.
Saunoa foi Lord Fakafanua e na te faatāuaina suiga ma faamāmā avega ua faia e le Palemia o Niu Sila ma lana faigāmalo ma e i le faitalia lava foi a latou faiga faavae mo femalagaa’iga latou te faia.
Poo le ā lava le tulaga o le a iai o le a ia faaaloalogia.
Puna o Faamatalaga: https://www.rnz.co.nz/international/pacific-news/589926/tonga-backs-cheaper-nz-visas-but-stays-clear-of-visa-free-push
