A itiiti mai pe to’a 100 fitafita a Korea i Matu ua fasiotia i le taua i Ukraine talu ona o ane e tau mo Lusia i le amataga o le masina nei, o le faamatalaga lea mai se faipule o Korea i Saute, Lee Sung Kwon i le faatalanoaga ma le BBC.
Na ia ta’ua foi e silia ma le afe o i latou ia ua faamanu’alia.
O lipoti mai le masina o Oketopa na ta’ua ai e silia ma le 10 afe vaega’au a Korea i Matu na ave ane e fesoasoani ia Lusia i le taua.
Ua faailoa foi i le lipoti ua iai nisi faaseā ua alia’e mai le vaega o le militeli a Lusia e faatatau i le vaega’au a Korea i Matu ma le lē lava o lo latou malamalamaga e faatatau i drones ua fai ma avega mamafa ae lē o se fesoasoani e pei ona ta’ua i le lipoti.
E lē o iai se faamatalaga mai Lusia ma Korea i Matu e tusa o lea mataupu.
Puna o Faamatalaga: https://www.bbc.com/news/articles/cm2ezx258xzo
