E le toe tau faailoaina aafiaga o le soifua manuia o o tatou tagata i faamai lē pipisi e mafua i suiga tetele o le soifuaga aemaise le anoanoai o taumafa ua le faatuaoia le fiafia iai, ae ua aafia ai ma fatuga’o.
O le saoasaoa o le aafia o ia totoga tāua o le tagata soifua, ua le gata o tagata ua matutua le soifua ua faataotolia ai, ae faapena foi i le tupulaga talavou.
O se tasi lea o tupe tele o loo faaalu i fuafuaga tau tupe a lo tatou Malo i tausaga uma, o le togafitia o i latou ua aafia i gasegase lē pipisi e pei o le suka, toto maualuga, ma’i o le fatu ma fatuga’o.
O le aufaipese lauiloa o le Punialavaa ua latou tapena nei se koneseti e faia i le aso 26 o le masina nei o Me e faia i le maota o le Tooa Salamasina, i se faamoemoe o le pulega a le aufaipese o tupe uma e maua ai o le a tuusa’o i le falemai faamamā toto e avea ma o latou sao e fesoasoani i le togafitia o le mamalu o le tatou atunuu ua faamamā o latou toto.
O le sui o le aufaipese o le Punialavaa, susuga Nanai Manutoipule Viellani Peteru i le feiloaiga ma tusitala.
