Ua saunoa le Palemia o Kanata, Mark Carney o le a lē mafai lava ona usita’i ane lona atunuu ia Amerika.
Ua manumālō Carney i le palota a lona atunuu i le vaiaso nei ma ua ia tuuina atu ai ma se tali e tetee atu ai ia Trump ma ana faamatalaga e faia faatatau ia Kanata.
Fai mai Carney sa ia faailoa muamua o loo mana’o Amerika i o latou laueleele, alaga’oa aemaise le suāvai i le atunuu ma o loo taumafai Trump ina ia umia e Amerika Kanata.
Na ta’ua e le Palemia e lē tupu lea tulaga ma e tatau ona tutū faatasi tagata Kanata mo latou lava.
O le vaega faaupufai a le Liberals lea na mālō i le palota, na mauaina nofoa e 169.
Ua faaoo atu ai ma faamālō ma faamanuiaga a ta’ita’i o le lalolagi i le manumālō o Carney ma lana vaega faaupufai ma ua faailoa foi i isi lipoti na valaau ane foi iai ma le Peresetene o Amerika, Donald Trump.
Puna o Faamatalaga: https://edition.cnn.com/2025/04/28/americas/canada-election-results-carney-poilievre-intl-hnk/index.html
