O loo faagasolo le faigapalota a le atunuu o Kanata mo le filifilia mai o faipule mo le Palemene a le atunuu.

O lona uiga o le faiga filifiliga o loo faagasolo nei e faamautū ai foi le lumana’i o le atunuu i ona upufai.

E eseese taimi i faaitu e 6 o Kanata o lona uiga e eseese foi taimi e tatala ai falepalota ae foliga ua avanoa uma i le taimi nei.

O le faagasologa o palota a lea atunuu e faitau lava le aofa’i o palota e le aufaipalota a o molimauina e tagata ma e filifilia ane foi e vaega faaupufai o latou sui e avea ma molimau.

E lē faaaogāina masini e faitau ai palota ma e amata faitauga pe a oo ina tapunia le taimi e faataga ai ona palota e pei ona masani ai.

O le i’uga o le a faaailoa i le po ananei ma faamaonia i le aga’i atu i le lumana’i ma faamauina ai foi i luga o upega tafa’ilagi poo le online.

O nisi o vaega faaupufai tetele i le atunuu e aofia ai le Liberals, Conservatives, New Democratic Party, Bloc Quebecois ma le Green Party.

O i latou e mafai ona palota o sitiseni o Kanata, e tatau ona 18 tausaga ma sili atu le matua, ma ia iai faamaoniga o ia tulaga ma le tuatusi e aumau ai.

Puna o Faamatalaga: https://www.bbc.com/news/live/cr5d13e4r2rt