E silia ma le 300 afe fale o tagata Kanata o loo motusia mai ai le eletise i le taimi nei i le faaitu o Ontario ona o le afā aisa, ice storm na aafia ai i le faai’uga o le vaiaso.

O le faamatalaga mai le Environment Canada ua lapata’ia ai tagata i timuga mamafa ma timu aisa i Ottawa aemaise vaega o Quebec ma Ontario ma o loo faaauau pea e oo mai i le asō.

Ua lipotia o le motusia o le eletise e afua mai i laau e to’ulu i luga o uaea aemaise o le aafiaga o le aisa i laina o uaea eletise ma o loo iai foi lamatiaga mo lōlōga. 

O isi aai i Ontario lava ua faailoa le state of emergency ona o aafiaga o lea afā aisa ma ua faailoa e le vaega o le si’osi’omaga o se tulaga ogaoga ua iai i luga o alatetele aemaise o le to’ulu o laina eletise ma laau.

Ua fautuaina tagata ia onosa’i i o latou fale a o taumafai galuega faamamā ma tālia se suiga i uiga o le tau.

Puna o Faamatalaga: https://edition.cnn.com/2025/03/30/americas/eastern-canada-power-outage-ice-storm-latam-intl/index.html