Iumi na Iumi o lona uiga We and Us, o le autu lea o taaloga a le Pasefika ua amatalia nei mo le 2023 o loo talimalo ai le Atu Solomona.
O le sauniga o le tatalaina aloaia o le faamoemoe na faataunuu anapo ma maimoaina e le silia ma le 10 afe o tagata.
O le Palemia o le Atu Solomona, Manasseh Sogavare na faafeiloaia le valaaulia ma faafetaia le lagolago o le faamoemoe.
Fai mai Sogavare o lenei faamoemoe o se faamanatuina o le agaga o le tutufaatasi ma faigauo, manatua tusa pe eseese tupuaga ae tuufaatasia uma lava i lalo o le aiga o Atumotu o le Pasefika.
Ua amata nei la taaloga ma o le asō o loo faagasolo ai tuuga aau ma siisii uamea mamafa lea foi e toatele nai tamafanau a Samoa o loo tausinio ai.
