Na faailoa e le minisita o le puipuiga a Isaraelu mo le ulua’i taimi e moni o latou na fasiotia le ta’ita’i o le Hamas o Ismail Haniyeh i Tehran i le masina o Iulai.

O le faamatalaga na faia e Israel Katz o le sui o Isaraelu ma ia folafola ai o le a aga’i lava osofa’iga i faauluuluga o le Houthi Movement lea e lagolago iai Iran ma o i latou foi ia sa tafanaina ane a’upega ma drones i Isaraelu.

O Haniyeh le ta’ita’i faapolokiki o le Hamas sa iai i le laumua o Iran i le taimi na alu atu ai le osofa’iga a Isaraelu.

Ua faailoa foi e le Palemia o Netanyahu, ua iai nai suiga lelei i feutana’iga o loo faia mo se filemu i Gaza ae lē o faailoa poo ā tonu ia suiga.

Fai mai le BBC o le faamatalaga mai Isaraelu o le latou gaioiga na faia ia Haniyeh ma isi o le Hamas o le a faia foi i le Hezbollah.

O le ta’ita’i o le Hamas ua maliu e 62 tausaga ae o lea ua sui tulaga atu iai Yahyar Sinwar ua fai ma ta’ita’i i le taimi nei.

Puna o Faamatalaga: https://www.bbc.com/news/articles/c0ewr870z23o