Ua folafola e le Palemia o Isaraelu o Benjamin Netanyahu le maliega e $35 piliona e faatatau i le kesi ua faia ma le atunuu o Aikupito a o taumafai ai Amerika ia faia ni talanoaga ma atunuu e lua.
I sana saunoaga na faia i luga o le televise ua faailoa ai e Netanyahu o lona manatu o le maliega aupito tele lea ua faia i le kesi i le tala’aga o Isaraelu.
Ua faailoa foi le lipoti a le CNN o le maliega lea e aofia ai ma le kamupani Amerika o le Chevron lea ua ta’ua o le a sapalaia le kesi i Aikupito.
Ua faailoa e le Palemia o Isaraelu o lea maliega o le a faamalosia atili ai le tulaga o Isaraelu o se atunuu malosi i tulaga tau le malosi’aga aemaise o lona sao i le faatumauina o tulaga mautū i lea itulagi.
Ua unaia foi e Netanyahu isi kamupani ina ia inivesi i lea taumafaiga.
E le’i iai se faamatalaga ua faamatuu mai e le faigamalo a Aikupito e tusa o le matāupu lea ma o loo tālia e le to’atele pe o le ā tonu se finagalo o Aikupito i lenei matāupu.
Puna o Faamatalaga: Israeli PM Netanyahu announces $35 billion gas deal with Egypt as US pushes for summit | CNN
