Ua faailoa e le faigāmalo a Iraq ua mae’a nei ona aga’i ese uma vaegā’au a Amerika mai nofoaga tau militeli i lo latou atunuu se’i vaganā ai faaitu o loo nofoia e tagata Kurdistan.
Ua silia i le 10 tausaga o faamautū pea vaegā’au a Amerika i le al-Asad Air Base i le itumalo o Anbar i le itu i Sisifo o Iraq ae o lea ua faamaonia mai e le matāgaluega o le puipuiga a Iraq, ua aga’i ese uma mai.
Ua aga’i ese mai foi le vaegā’au lea e ta’ita’ia e Amerika e tau faasaga i le Islamic State poo le ISIS ma tuuina atoa ai tulaga tau le puipuiga ma le faatonutonuina o ia faaitu i vaegā’au a Iraq.
Ua faatino lea gaioiga a o amata faatupula’ia pea se tulaga lē lelei i le va o Amerika ma Iran ina ua faamata’u iai Trump o le a osofa’ia pe a leai se suiga i vesiga o loo tula’i mai ai.
Puna o Faamatalaga: https://edition.cnn.com/2026/01/18/middleeast/iraq-announces-full-withdrawal-of-us-forces-from-its-federal-territory
