Ua ioeina e le teutupe a Ausetalia le faatauina e le Qatar Airways o le 25 pasene o tulaga faaletupe i le kamupani a le Virgin Australia.

Fai mai lipoti o le teutupe, Jim Chalmers ua ia lagolagoina le fuafuaga lea a le Qatar Airways i luga o le fautuaga mai le Foreign Investment Review Board.

Ua faailoa faatasi e le Qatar Airways ma le Virgin Australia o le faatinoina o lea gaioiga o le a tele ai ni faigamalaga mo tagata Ausetalia, ta’ua ai le faia o nisi faigamalaga fou e 28 i le vaiaso i le va o Doha ma Perth, Brisbane, Sini ma Melepone.

O le faamatalaga a le teutupe o lea maliega o le a fesoasoani tele i le faamalosia o tauvaga i lea auaunaga aemaise o le faateleina o avanoa faigaluega mo tagata i Ausetalia ma lagolago ai foi i le auaunaga tau tulisi.

Fai mai le Alaata 9 o loo iai fuafuaga afai ae ioeina e le International Air Services Commission, o le a fuafua loa le Virgin Australia e toe faaauau ana faigamalaga uumi mai Sini, Brisbane, Perth ma Doha.

O faigamalaga mai Melepone i Doha ua fuafua e amata ia Tesema.

Puna o Faamatalaga: https://www.9news.com.au/national/qatar-airways-given-approval-to-buy-25-per-cent-stake-in-virgin-australia/2d177176-b293-48c9-a9a0-9ef0f565ffbe