Ua ioeina e le pule o le faleoloa o le Toy World ona moliaga i le faalavelave na maliu ai se tagata matua na savali ane i Thorndon i le tausaga talu ai, o ia lea o Rachel Mary Davin, e 76 tausaga.
Fai mai lipoti sa manua tigaina ai lea tina i le faalavelave lea ma maliu ai i le aso 9 o Setema i le falemai i Ueligitone.
O le asō ua tautino ai ma ioeina e Philip George Bramley ona moliaga e lua e tusa ai o lea faalavelave.
Ua faamaonia e le faamasinoga le tali a Bramley e tusa ai ma moliaga ma ua taofia nei e faatali ai le lauina o lona faasalaga i le masina o Me.
Na faailoa e lana loia i le aufaasalalau ua matuai lagona le salamō o sia tamā.
O moliaga faapea e masani ona faia ai faasalaga e oo atu i le 3 masina i le falepuipui poo se sala tupe e oo atu i le $4,500 ma le faaleaogaina o le laisene avetaavale.
