Ua faamatuu ese mai e le Paramatta Eels le alii taalo o Clint Gutherson mai lana konekarate ma ua aloa’ia loa i le taimi nei lea tulaga.
Fai mai le Nine Sports ma le Sydney Morning Herald na faia le fonotaga a le pulega a le Eels i le vaiaso nei ma ua tuuina ane ai lea maliega i le alii taalo ona o loo feta’ua’ina e ono saini se isi ana konekarate e tolu tausaga ma le Dragons.
O Gutherson ua 30 tausaga ma ua lipotia e lata i le 900 afe sa ia mauaina i lana konekarate i le Eels sa avea ai ma kapeteni ma se tasi o tama taalo iloga a le kalapu.
