O le asō ua ioeina ai e se talavou 18 tausaga lona moliaga o le fasioti tagata i le faamasinoga maualuga i Dunedin.
O le mataupu lea e faatatau i le fasiotia o lona tina i le mae’a o le faamanatuina o lona aso fanau na ia faaoolima ai i lona tina.
Fai mai lipoti sa nofo ai le talavou lea i le fale sa iai lona tina ,45 tausaga ma o loo faamatalaina i faamatalaga mai le faamasinoga, le taimi na agai ane ai le talavou lea ina ua mae’a ona faaoo le oti i lona tina, vili leoleo i le telefoni a se tasi o aiga i le faaitu lea ma faamatala iai le mea ua tupu.
Ua mae’a la ona ta’utino i lona moliaga o le fasioti tagata ma o le a lauina le faasalaga i le aso 21 o Aokuso.
E le o ta’ua mai i le lipoti le mafuaaga o le faalavelave ae ta’ua i le lipoti sa fai se inuga ava a le talavou ma lona tina ma se tasi o ana uo i le aso lea o le aso fanau ae tupu ai loa ma le faalavelave i le vaveao o le aso na sosoo ai.
