Ua malie mai le minisita o femalagaa’iga Michael Wood e feiloai ma nisi o tagata galulue faavaitaimi e faapea o loo faapologa i latou.
O le sau i tua o le lipoti a le komesina o le Equal Employment Opportunities, Saunoamaalii Karanina Sumeo e iai nisi o le aufaigaluega o loo pologa ma lē lelei mea o nonofo ai.
E le gata na saunoa le minisita o le a fesoasoani i le iloiloga a le malo o loo faia foi i le polokalame ae o lea ua saunoa mai o le a taumafai e feiloai ma le aufaigaluega.
Saunoa Wood o le ofo mai o lona taimi e feiloai ai, o le a taumafai lava e tusa pe e le manao iai le pulega o le fale faigaluega o loo galulue ai i latou o loo fia feiloai iai.
E iai faalapotopotoga o loo tutu mo pulega o fale faigaluega ma o loo faapea mai e le o malilie i le lipoti a le komesina ia Saunoamaalii, peitai mai le iuni a le First Union, o loo ia lagolagoina suesuega nei ua toe lipotia ai le faapologa o tagata faigaluega faavaitaimi.
