Ua tuu mai e le malo o Sri Lanka le aso mālōlō e tasi o vaivaso ta’itasi e unaia ai tagata e totō meaai a o iai i le oge. 

Tusa ma le 1 miliona tagata faigaluega a le malo ua agavaa i le faai’uga ua ioe ai le malo e mālōlō Aso Faraile uma mo le tolu masina sosoo. 

O se faai’uga ua faia ai a o lē mafai e Sri Lanka ona faatupe le suauu auina atu, o meaai faapea vailaau mo togafitiga. 
O loo unaia tagata Sri Lanka e totō le araisa ma toe foi e galueaina faato’aga se’i fesoasoani i le oge. 

O le vaiaso nei foi ua sau ai tala ua tapena le malo tele o Amerika e fesoasoani ia Sri Lanka.