Ua ioeina e Tyreese Fleming, 19 tausaga, ona moliaga e lima faatatau ile faalavelave na maliliu ai isi talavou e toalima I le faalavelave na tulai mai I Timaru ile masina o Aokuso o le tausaga talu ai.
O Fleming pei ona lipotia I le One News sa ia ioeina ona moliaga, avetaavale ise tulaga lamatia ua mafua ai le maliu, dangerous driving causing death, ile mataupu na valaauina ile faamasinoga maualuga I Timaru I le taeao analeila.
Taua ile lipoti e nao Fleming le tagata na sao mai ile faalavelave lea ma o ia foi sa faafoeina le taavale. Faatoa lua aso talu ona maua lona laisene, restricted ae tupu loa le faalavelave. O i latou na maliliu o talavou uma foi tai 15 ma le 16 tausaga le matutua. Fetoai le taavale ma se pou eletise ma maliliu uma ai le toalima.
O le aso 29 o Iuni tausaga nei ua fuafua e lauina ai le faasalaga o Fleming ae ua tatala nei I tua ma o loo faatagaina foi ona fesootai ma aiga o e na maliliu.
