E 3.5 piliona o le a faaalu e le kamupani vaalele a le atunuu le Ea Niu Sila e faatau ai isi ana vaalele fou e 8 o le ituaiga 7878-9 Dreamliners ma le l5 o Airbus A320neo ma nai suiga e toe faia i vaalele o loo faaaoga i le taimi nei.
O le fonotaga sa faia i Kalaiesetete ua faailoa ai e le kamupani ia suiga ma faailoa ai e 4.5 miliona pasese o le a mafai ona feaveai e ana vaalele i malaga e 39 faavaomalo i le va o Mati ma Oketopa o le tausaga nei.
E 30 miliona o le a inivesi i le faia o faalauiloa tau maketi a le kamupani.
Fai mai lipoti o le uluai vaalele o le a iai i luga bunk beds ua faamaonia mo malaga mai Aukilani i Niu Ioka ma Chicago e amata i le tausaga fou 2024, fai mai le ofisa sili o le kamupani Greg Foran o vaalele ia e faaigoa o Skynest o le a design lava ma faapipiina i Aotearoa.
Na ta’ua foi i le lipoti o loo feutugai le kamupani mo le faatauina o se isi vaalele tele Boeing 777-300ER e mafai ona faaopoopo ai se isi 3 afe nofoa mo faigamalaga i le vaiaso.
