Fai mai ua sosola i Thailand pule o le falekalapu i Goa i Initia lea na sasao ane ai se afi ma maliliu ai tagata e to’a 25 i le Aso Sa na te’a nei.
O lipoti lata mai a le BBC ua faailoa ai o le auso tama e ana le falekalapu ma na sosola ese ma le atunuu ae faato’ā na o ni nai itula talu ona tupu le faalavelave.
Ua faamaonia mai e leoleo Initia o le auso lea o Saurabh ma Gaurav Luthra na aga’i ane i se faigāmalaga mai Initia i Thailand ae faato’ā mae’a le faalavelave ma e talitonu le ‘ausu’esu’e na māfua ona sasao le afi o meafaapāpā sa faia i totonu o le falekalapu.
O le to’atele o ē ua maliliu o le ‘aufaigaluega a le kalapu ma isi turisi mai Delhi.
E to’alima isi o loo togafitia pea i le falema’i.
Ua fesoota’i nei la leoleo Initia i le Interpol mo se fesoasoani i le sa’ilia o le auso lea ma pu’eina, ta’ua foi e leoleo e iloa ai lava i’i ia la gaioiga ua faia o loo taumafai e sosola ese ma leoleo.
Puna o Faamatalaga: https://www.bbc.com/news/articles/c23e7p40y04o
