O loo maumaua’i se tasi alii faimeamālie, comedian i Initia, e iai lana aiātatau e fai ai ana tala mālie e ui faato’ā mae’a ona osofa’ia e nisi sa itagia o ia i lona faia o ni faamatalaga fia mālie e faatatau i se faipule o le Palemene.
O Kunal Kamra e iloa tele i ana faafiafiaga ma mea mālie e maua ai le ata ae ua faia nei iai su’esu’ega a leoleo ona ua feta’ua’ina le faia iai o se su’esu’ega a leoleo ona ua feta’ua’ina lona faia o ni faamatalaga taufaaleaga.
O lē na faasaga iai ana faamatalaga o se tasi o minisita, Eknath Shinde.
O se video na tuuina i le Youtube channel a lea alii faafiafia ua maua lelei ai le faia o ni faamatalaga fia mālie a le alii faafiafia e faatatau i le minisita ma ta’ua ai ni faamatalaga ua ta’uleagaina ai le minisita.
O lona fia mālie la lea ua matua’i faaosofia ai le lē fiafia o tagata e lagolago ia Shinde ma aga’i ane ai loa ma ia tagata i le nofoaga na fai ai le faaaliga a Kamra i Mumbai ma o latou faaleaga ai le tele o mea e pei o taavale ma teuteuga o le nofoaga na faia ai le faaaliga.
O loo faagasolo nei iai le su’esu’ega a leoleo.
Puna o Faamatalaga: https://edition.cnn.com/2025/03/25/india/kunal-kamra-joke-india-politics-backlash-intl-hnk/index.html
