O afi o loo sasao ane lata i Ierusalema lea ua lipotia mai ua aveese mai ai tagata mai nofoaga e lalata ane ma tapunia ai ma le tele o auala a o taumafai atu le tineimu e tapē ia afi a o faaauau ai savili malolosi ma le tau vevela.
Fai mai le CNN o loo sa’ilia e Isaraelu fesoasoani faavaomalo i le tapēina o ia afi ma ua faailoa e le minisita o le puipuiga a le atunuu, masalo o se tulaga ese lea i le afi e pei ona vaaia ma ua atili faatetele i le malosi o le savili.
O nisi o ata ua vaaia i luga o upega tafa’ilagi ua iloa atu ai tagata o loo savavali i luga o highways ma le asu o loo alu ane i le ea mai le malosi o le afi.
E lē o iloa i le taimi nei le mafua’aga o le afi ma e lē tasi se vaega o loo aafia.
Ua faailoa e leoleo Isaraelu i le lipoti lea taimi a o latou mauaina le tagata e masalomia na taumafai e amata ane se afi i se malae.
Fai mai le Minisita o lenei ua iai le atunuu i se tulaga ua mana’omia vave ai se fesoasoani i lea faalavelave ma o loo feutaga’i ma isi atunuu mo se fesoasoani i le tapēina o le afi.
Puna o Faamatalaga: https://edition.cnn.com/2025/04/30/middleeast/israel-wildfires-jerusalem-intl
