O le Aso Faraile lea ua lipotia o le a faatā’ape ai e le Palemia o Iapani o Sanae Takaichi le Palemene a lona atunuu ae sauni ai mo se faigāpalota i le aso 8 o le masina fou o Fepuari.
Ua faailoa e le BBC o se faai’uga tulaga ese ua faia e le Palemia e pei ona ia saunoa ai foi i ofisa faasalalau i le atunuu.
O Sanae na faato’ā tula’i mai i le tofi i le masina o Oketopa o le tausaga na te’a nei ma o ia se ulua’i Palemia tama’ita’i o Iapani.
I le masina o Tesema o le tausaga talu ai na pasia ai i lana Kapeneta le tala o le tupe a le atunuu e 9 tiliona yen, e tusa lea ma le 57piliona pauni.
Fai mai le Palemia o le palota lea o le a sa’ili ai foi poo fea tonu o iai le lagolago a le atunuu ia te ia o se ta’ita’i e kiliva ana folafolaga ua mae’a faailoa.
Puna o Faamatalaga: https://www.bbc.com/news/articles/c1dk0x0v6pdo
