Ua poloa’iina e se faamasinoga i Iapani le faamuta o le Unification Church i lea atunuu, ua lagolago ai ma se talosaga mai le malo e faalēaogāina ai lea lotu talu mai le su’esu’ega na faia i le 2022 na fasiotia ai lē sa avea ma Palemia o Ie atunuu o Shinzo Abe.
O le faamasinoga faaitumalo a Tokyo na tuuina atu ai le poloa’iga lea ma o lona uiga o le a aveesea foi le avanoa sa maua ai le faamāmā avega i tulaga o lafoga ma ua tatau foi ona fai se faatatau i ana aseta.
E ui i lea ua ta’ua i le CNN e mafai lava ona toe talosaga apili le lotu lea i le faai’uga ua faia faaaogā ai se isi faamasinoga e maualuga atu.
O le poloa’iga na faia ona o le talosaga a le Matāgaluega o A’oga a Iapani i le 2023 ona fai mai a latou, ua tele sa’iliga tupe ma metotia ua faia ua faapopoleina ai tagata lotu ma aafia ai ma o latou aiga.
Fai mai o le igoa aloa’ia o le lotu lea o le Family Federation for World Peace and Unification ma o le ulua’i tapua’iga lea ua feagai ma se poloa’iga faapea i lalo o tulafono faalotoifale a Iapani.
Puna o Faamatalaga: https://edition.cnn.com/2025/03/25/asia/court-dissolution-unification-church-japan-intl-hnk/index.html
