Health is Wealth. O le igoa lea o le polokalame tuufaatasi faapitoa mo tagata Samoa o loo alala i Aukilani i Saute, ma o se avanoa fefaasoaa’i ma vailiili auala e fesoasoani ai i le itu tau i le soifua maloloina.
O le Aso Toonai, aso 8 o Iuni mai le 9 i le taeao agai i le itula e 2 i le aoauli i le hall a Malaeola i Magele o le a talanoa ai sui mai le soifua maloloina i gasegase e aofia ai le fulū, gugu, fiva rumatika ma le ma’i suka, ma o le a faia fua ai foi tuipuipui o le fulū a o iai i le tau malulu.
O se avanoa o le a faia fua ai foi siaki e le South Seas Healthcare ma e iai fesili ma tali e faia i lea aso, ma mo i latou e talia e maua le voucher $30.
O se polokalame ua tuufaatasia e sui o le iunivesite i Aukilani, o le Ekalesia Katoliko a St Therese ma le Moana Connect, ma o se avanoa tāua tele mo o tatou tagata e faatāua ma faamuamua ai lou soifua maloloina.
Puna o Faamatalaga: Press Release
