I totonu o Ausetalia i le taimi nei o le mataupu o loo gugulu ai le to’atele o le tau o le eletise ma le faaopoopo o lea faigata i tagata i le taimi ua matuai taugata ai le soifuaga.
O loo faia nei se feiloaiga a ta’ita’i ma minisita o le feterale faapea setete ma teritori i le atunuu ina ia faatalanoa le mataupu lenei ma e lē gata i le eletise ae faapea foi i le kesi, penisini ma malosiaga faapea.
O le faamatalaga mai le Sui Palemia Richard Marles ua ta’ua ai o le a feiloai foi le malo ma le regulator o malosiaga faapea i le vaiaso fou atoa ai foi ma nisi sui o setete ina ia faatalanoa poo ā nisi vaega e mafai ona faaaogāina ina ia fesoasoani ai i le mataupu.
Fai mai le teutupe ua iai nei a le atunuu Jim Chalmers e leai se fofo vave o le mataupu ma o tulaga ua alia’e mai i le taimi nei o le tau lea ua totogi i le tele o tulaga na faatino i le toeititi 10 tausaga talu ai o faiga a faigamalo sa tulai mai i le tofi o le atunuu.
