Leai se aafiaga o le polokalame o loo maua fua ai meaai a fanau aoga ona o le gau o se tasi o kamupani o loo toatolu i le gasesega o meaai nei.
Taeao ananafi na sau ai le tala ua gau le Libelle Group ma ua fesiligia ai nei galuega a le silia ma le 500 tagata galulue.
125,000 meaai i le aso o lea e faakonekarate agai ia Libelle na te tapenaina ma o lea e faakonekarate i lalo o faamalu a le Compass Group New Zealand Ltd.
O se tala ua fesiligia ai nei le ono aafia atu ai ma meaai a fanau aoga poo le polokalame lenei e le misi se vaiaso ma faitioga talu ona faia suiga I le tausaga lenei.
Tali le minisita lagolago o aoga David Seymour lea e gafa ma lenei poloketi tele, o le tala ua sau e le aafia ai fua le polokalame.
Taua foi e Seymour, o le mataupu lava lenei I le va o le Compass ma Libelle.
O le pulega a le Deloitte lea ua sau i totonu e taumafai e laveai Libelle i le va o le kamupani, o ana aseta faapea pulega o loo nono ai.
Puna o Faamatalaga: https://www.nzherald.co.nz/business/government-funded-school-lunch-supplier-libelle-group-in-liquidation/EJIXGTGA6VF47CQRRYOKCJ4REM/
